Mayın 22-də Ordubad Rayon Mədəniyyət Sarayında Kazım Ziya adına Ordubad Rayon Xalq Teatrı növbəti səhnə əsərini rayon ictimaiyyətinə təqdim edib. Tamaşaçıların böyük maraq və rəğbətlə qarşıladığı bu dəfəki səhnə işi tanınmış dramaturq Tofiq Seyidovun “Yarım günlük rəis müavini” adlı iki pərdəli, dörd şəkilli komediyası olub.
Tamaşanın rejissoru Naxçıvan Muxtar Respublikasının Əməkdar mədəniyyət işçisi Günəş Ağayeva, quruluşçu rejissoru Nadir Məhərrəmov, tərtibatçı rəssamı Hikmət Əliyev, işıq və səs operatoru isə Müseyib Fərzəliyevdir.
Kazım Ziya adına Ordubad Rayon Xalq Teatrının təqdim etdiyi bu səhnə əsəri aktyor oyunu, maraqlı süjet xətti və yüksək səhnə tərtibatı ilə tamaşaçılarda xoş təəssürat yaradıb.
